Donas e cabaleiros...acábase de producir un xiro na política do Carballiño¡¡¡
20 anos despois, o Psoe deixa o poder local que pasa a mans do Partido Popular na figura de Arximiro Marnotes. O resultado das urnas foi claro e supuxo un forte golpe para a esquerda nacionalista sobre todo que perdeu 1604 votos. Os datos e a análise dos mesmos son os seguintes:
En términos xerais, sobre un censo de 11.491 electores, 3.203, un 27,87%, non acudiu a votar, 165 votos foron nulos e 207 en blanco. Os 7.916 votos restantes repartíronse da seguinte maneira: PP=3.988 (49,1%), PSOE=3.200 (39,39%) e BNG=728 (8,96%), o que significa un reparto de 9, 7 e 1 concelleiros respectivamente. Os datos comparativos co ano 2007 foron:
Total votos partidos 2007: 8.632
Total votos partidos 2011: 7.916
2007: 2011: Diferencia:
PP............... 2.486 - 3.988 +1.502
PSOE......... 3.814 - 3.200 - 614
BNG........... 2.332 - 728 - 1.604
Para min as razóns deste cambio son fruto de tres factores: A crispación social e o recelo fronte ó PSOE a nivel estatal pola situación de crise económica, o acomodamento, acompañado de certa prepotencia na última lexislatura por parte do Psoe local e os seus dirixentes e por último e quizais o máis grave, a falta dunha lista competente no BNG que sin manter os mesmos resultados do 2007, non provocasen unha caída tan forte. Como nas eleccións autonómicas, aínda sendo importante a perda de votos do Psoe, o goberno en si do Concello por parte da esquerda o perde o BNG. Os motivos son político-sociais co momento actual e consecuencia do bipartito, que na forza nacionalista sempre causa maiores estragos ante unhas eleccións ó non ter un apoio desde outra Administración como pode ser a estatal ou a autonómica...
Cos datos diante, podemos leer que os votos que perde o Psoe se corresponden prácticamente co descenso de votantes, así como o incremento do PP, coa perda do BNG. A cidadanía decidiu, e non quixo un Goberno de esquerdas, nin maioritario, nin bicéfalo, optou polo partido que foi chamado polos galegos para sacarnos da crise -algo que non se palpa a nivel autonómico- e, posiblemente, polo partido que collerá as rendas a nivel nacional de aquí a un ano. Si así pensou o pobo, así debe ser respetado e tido en conta por uns e outros. Desde a miña opinión, oxalá todos, desde a posición que ocupan, arrimen o ombreiro para mellorar a situación do Concello.
Os Concelleiros do Carballiño para os próximos catro anos son: (tómome a licencia de plantexar a hipótese das posibles concellalías, polo currículum de cada un/unha):
- Arximiro Marnotes (Alcalde): Industria, Comercio e Turismo
- Martín Nogueira: Sanidade
- Pilar Caride: Servicios Sociais
- Emilio Carballeda: Facenda
- Purificación Alberte: Educación e Cultura
- Jesús Rodríguez: Obras
- Magín Daparte: Urbanismo e Medio Ambiente
- Teresa Cerdeira: Persoal e Seguridade
- Rodrigo González: Deportes e Medio Rural
- Paco Fumega
- Manolo Dacal
- Mª José Pérez
- Iolanda Otero
- Toni Mateo
- Víctor Tato
- Adolfo Nogueira
- Áurea Francisco
Sorte a todos nas labores a desempeñar -de goberno ou oposición-, instando desde aquí a tod@s eles a defender os intereses de tódolos carballiñeses ante quen faga falla, poñendo sempre a cara polos veciños, sexan da cor que sexan, sin esperar un futuro voto a cambio, e sí o orgullo persoal de axudalos...
No hay comentarios:
Publicar un comentario